03 апреля 2009 г.
Пуянкассисем – пенальти ăстисем (Спорт)
Хĕллехи мини-футболпа район кубокĕшĕн пынă турнира 11 команда хутшăнчĕ: çав шутра район центрĕнчен – 6, Тăрмăшран – 2, Тăвайри “Дорстрой”, Чутейрен, Кармалтан тата Пуянкассинчен. 4 ушкăнри çĕнтерÿçĕсем çурма финалта тĕл пулчĕç. “Дорстрой” “Проспекта”, пуянкассисем пенальтипе тăрмăшсене çĕнтерчĕç. Финалти (”Дорстройпа” Пуянкасси çамрăкĕсем хушшинче) тĕлпулура нихăшĕ те çĕнтереймерĕ, пенальтире вара ăнăçу каллех пуянкассисен енче пулчĕ, вĕсем 2:1 шутпа выляса илчĕç. Командăна кубокпа тата дипломпа, футболистсене парнесемпе хавхалантарнă. Çак командăри Р.Тимофеев турнирти чи лайăх футболист ята тивĕçнĕ.
Л.ПАВЛОВ.
Источник: "Ял ĕçченĕ"