09 декабря 2008 г.
Иртнĕ эрнере “Единая Россия” партин районти уйрăмĕн политканашĕн анлă ларăвса иртрĕ. Ăна политканаш секретарĕ В.Шакров ертсе пынă. Политканашăн ларăвне район пуçлăхĕ, партин регионти уйрăмĕн политканашĕн членĕ Н.Иванов, район депутачĕсем хутшăннă.
Кун йĕркине кĕртнĕ ыйтусен шутĕнче “Единая Россия” партин ноябрĕн 20-мĕшĕнче иртнĕ юбилейлă X съездăн итогĕсем, съезд йышăнăвĕсене пропагандăлас тĕллевпе пухусемпе “çавра сĕтел” тĕлпулусем ирттересси, парти членне илесси т.ыт.те.
Хускатнă ыйтусем тăрăх район пуçлăхĕ Н.Иванов, политканаш секретарĕ В.Шакров, партин вырăнти уйрăмĕн ĕçтăвкомĕн ертÿçи И.Петрова тухса калаçнă.
Лару X съезд пĕтĕмлетĕвĕсене пур пуçламăш организацире тата халăх хушшинче анлăн сарма йышăннă. Унтах тепĕр 18 çынна çĕнĕрен парти членне илнĕ. Декабрĕн 1-мĕшĕ тĕлне парти членĕсен йышĕ районта 848 çынна çитнĕ. Ку енĕпе малалла та ĕçлеме палăртнă.