Публикации » Мастер нормативне пурнăçланă (Спорт)

Ырă ĕçсен çулталăкĕнчи лайăх хыпарсем, çитĕнÿсем кирек кама та савăнтараççĕ. Акă çак кунсенче Самарăран лайăх хыпар килсе çитрĕ. Пирĕн ентеш (Чÿкçырми ялĕнчен) Алексей Косарев Вăрмар районĕнчи спорт мастерĕпе Н.Дмитриевпа пĕрле Хусанта Р.Г.Нежметдиновăн асăну турнирне хутшăннă хыççăн Самарăна “Волжские Зори–2008” тĕнчери ăмăртусене тухса кайнă. М.Спасенкинăн асăну ăмăртăвĕсене 36 шашист хутшăннă, çав шутра 4 гроссмейстер, 11 мастер, ыттисем мастер кандидачĕсем. 9 турпа иртнĕ икшер партирен (45-шер минут) тăракан ăмăртусенче пирĕн ентеш, республикăн экс-чемпионĕ, спорт мастерĕн кандидачĕ Алексей Косарев 6 очко пухса 4-мĕш вырăн йышăннă. Çак кăтарту спорт мастерĕн нормативне тивĕçтерет. Çапла вара А.Косарев пĕрремĕш хут мастер нормативне пурнăçланă. Республикăра шашкăлла выляссипе спорт мастер ятне тивĕçнĕ 12-мĕш çын пулса тăнă.

В список