26 августа 2008 г.
Никама та тимсĕр хăварма пултараймасть Кăнтăр Осетире пулса иртнĕ трагеди. Раççейĕн пур кĕтесĕнчен те пиншер çын инкек тÿснĕ çынсене пулăшма васкать.
Тăвай районĕнче те нуша курнă çынсене пулăшмашкăн федераллă гуманири счечĕ çине укçа пухса хывасси малалла пырать. Çак акцие хутшăнса Тушкил ял поселенийĕ 2141 тенкĕ, Тĕмер ял поселенийĕ 1600, Йăнтăрчă ял поселенийĕ 1350, Чутей ял поселенийĕ 980 тенкĕ, район администрацийĕн социаллă аталану, культурăпа спорт пайĕ 2770, вĕрентÿпе çамрăксен политики пайĕ 2650 тенкĕ куçарнă.
Районти ытти çынсем те акцие активлă хутшăнаççĕ, гуманитарлă пулăшу пунктне ăшă кĕпе-тумтир, атă-пушмак, ытти япаласем пырса параççĕ, инкек тÿснисене пулăшма васкаççĕ.
Источник: "Ял ĕçченĕ"