22 августа 2008 г.
Раççейĕн пĕрлештернĕ команди Пекинри Олимп Вăййисенче малтанхи вăхăтра ăнăçсăртарах кĕрешрĕ. Анчах юлашки кунсенче медальсен йышĕ хушăнсах пычĕ. Августăн 20-мĕшĕ тĕлне пирĕн çĕршыв спортсменĕсем 45 медаль (13 ылтăн, 14 кĕмĕл, 18 бронза) çĕнсе илме пултарчĕç. Çакă пире медальсен хисепĕпе 4-мĕш картлашка çине çĕкленме май пачĕ. Малта Китай, АПШ, Аслă Британи командисем. Теннисра Елена Дементьева, Динара Сафина, Вера Звонарева харăсах 3 медаль çĕнсе илнĕ. Е.Исинбаева шăчăпа сиксе, Г.Галкина– Самитова чăрмавсем урлă 3000 метра чупассипе, Валерий Борчин 20 километра утассипе, Лариса Ильченко 10 километра ишессипе, Бувайсар Сайтиев ирĕклĕ мелпе кĕрешсе ылтăн медальсене тивĕçнĕ. Пирĕн волейболистсем Болгари командине 3:1 шутпа çĕнтерсе çурма финала тухнă.
Раççей командин Пекинра 3-мĕш картлашка çине тăма шанăç пур.
Источник: "Ял ĕçченĕ"