22 августа 2008 г.
Çăлпуç çĕрĕнче пурĕ 150 гектар çĕрулми лартса çитĕнтереççĕ. Çак шутран А.П.Петровăн хăйĕн 85 гектар шутланать. Халĕ кунта ир çитĕнекен çĕрулмине кăларса пухма тытăннă. “Рокко” сорт вăл. Ку вăхăт тĕлне пĕтĕмпе 8 гектар кăларса пуçтарнă. Çак ĕçе комбайнпа тăваççĕ. Паллах, çынсемсĕр те мар ĕнтĕ. А.Петров каланă тăрăх, хальлĕхе “иккĕмĕш çăкăр” тухăçĕ вăтамран 180 центнерпа танлашать.
“Родник” обществăра тырă пухса кĕртесси те малалла пырать. 350 гектартан 145 гектарне çапса илнĕ. Ку ĕçе икĕ тĕш тырă комбайнĕпе пурнăçлаççĕ. Пĕрне çынран вăхăтлăха усă курма явăçтарнă, тÿрлетсе çитерсе ĕçе “кÿлнĕ”.
Хĕрÿ вăхăт халĕ. Кĕрхи ĕçсене кал-кал туса пыма тĕрлĕ майсемпе усă курни кирлĕ.
Источник: "Ял ĕçченĕ"