22 августа 2008 г.
Кăнтăр Осетире пурăнакансем вăрçă инкекне пула çурт-йĕрсĕр, пĕр пурлăхсăр тăрса юлнине, “Единая Россия” политика партийĕ инкек тÿснĕ çынсене гуманитарлă пулăшу пама чĕнсе каланине пирĕн районти ĕç коллективĕсемпе уйрăм çынсем чĕрене çывăха илчĕç. Федераллă гуманитарлă пулăшу шучĕ çине пуçласа укçа-тенкĕ хывакансем Федераллă Казначействăн Чăваш Республикинчи Управленийĕн Тăвай уйрăмĕнче ĕçлекенсем пулчĕç. Вĕсем пулăшу шучĕ çине хăйсен пĕр кунхи ĕç укçине – пурĕ 1620 тенкĕ хывма йышăнчĕç.
Çак пуçарăва ытти ĕç коллективĕсем те ырласа йышăнаççĕ. Вăрçă инкекĕ тÿснисем валли çынсем тăхăнмалли ăшă тум, вырăн таврашĕ парса пулăшаççĕ.
Гуманитари пулăшăвне “Единая Россия” партин Тăвайри обществăлла приемнăйĕнче (Ленин проспекчĕ, 22-мĕш çурт, Ачасен пултарулăхне аталантаракан центр) ирхине 9 сехетрен пуçласа 17 сехетчен йышăнаççĕ. Тел.: 2-17-00, 8-9278559392.
Источник: "Ял ĕçченĕ"