Публикации » Тăвай ветеранĕсем виççĕмĕш (Спорт)

45 çултан çамрăк мар футболистсем хушшинче республика чемпионачĕ вĕçленчĕ. Икĕ подгруппăра 8-шар команда вылярĕ. 1-мĕш çаврăмра тăвайсем 7 вăйăра пурĕ те 1 тĕлпулăва кăна нихăш енĕ те çĕнтерейменнипе вĕçленĕ, ыттисене пурне те выляса янă пулсан, иккĕмĕш çаврăмра 5 тĕлпулăва выляса илнĕ. Çак кăтарту пире хамăр подгруппăра 3-мĕш вырăна тухма май пачĕ (Шупашкарти “Волгăн” 1-мĕш вырăн). Подгруппăсенче малти 4 вырăн йышăннă командăсем хушшинчи кĕрешÿ малалла пырать. Икĕ подгруппăри командăсем пĕр-пĕринпе икшер хут выляççĕ (подгруппăра пирвай вылянисем тепĕр хут тĕл пулмаççĕ). М.Андреев çурма хÿтĕленекене 50 çултан аслă футболистсем хушшинче Чăваш Республикин пĕрлештернĕ командин йышне илнĕ. Липецкра иртекен Раççейри ăмăртусене вăл республика чысне хÿтĕлеме хутшăнĕ.

В список