29 июля 2008 г.
РФ Писательсен тата Журналисчĕсен союзĕсен членĕ, пирĕн тăрăхри паллă право хÿтĕлевçи Владислав Пастухов ырă кăмăллăхпа çыхăннă ĕçсене май пур таран хутшăнма тăрăшать. Çакна юлашки çулсенче районти шахматистсем аванах туяççĕ. Мĕншĕн тесен Владислав Григорьевич тăтăшах тĕрлĕ йышши турнирсен спонсорĕ пулать. Шахмат вăййине çамрăксем хушшинче аталантарас, вĕсене хавхалантарса пырас ĕçшĕн питех те пĕлтерĕшлĕ ку. Сăмах май каласан, В.Пастухов хăй те ăста шахматистсенчен пĕри.
Ырă ĕçсен çулталăкне тата тепĕр ырă ĕçпе кĕрсе юлать право хÿтĕлевçи. Вăл районти тĕп больницăн терапи тата хирурги уйрăмĕсенче сипленекенсене хăй шутĕнчен районти “Ял ĕçченĕ” хаçата августран 2 экземпляр çырăнса пачĕ.
Кăçал Ырă ĕçсен çулталăкĕ пулнине асра тытса, ыттисем те 2008 çула ырă ĕçсемпе кĕрсе юлма (ку вăл, ватă, чирлĕ çынсене пулăшни, библиотекăсене килти кĕнекесене, музейсене интереслĕ экспонатсем парнелени, йывăрлăха кĕрсе ÿкнĕ çемьесене çи-пуç, атă-пушмак т.ыт.те парса пулăшни) пултараççĕ.
Источник: "Ял ĕçченĕ"