00:00 02 апреля 2010 г.
Ытларикун депутатсен районти Пухăвĕн черетлĕ ларăвĕнче район администрацийĕ 2009 çулта мĕнле ĕçлесе пыни çинчен отчет итленĕ.
Тĕп ыйту тăрăх район администрацийĕн пуçлăхĕн çумĕсем Г.Гавриловпа В.Шакров, пай пуçлăхĕсем А.Михайлов, В.Ванерке, Г.Масленников, В.Ильин, тĕп больница врачĕ, депутатсен Пухăвĕн председателĕн çумĕ Т.Шакшина тухса калаçнă.
Район администрацийĕн 2010 çулта тумалли ĕçсем çинче район пуçлăхĕ Н.Иванов чарăнса тăнă, вăл администрацин пайĕсен ĕçне вăтам хак панă.
Пухура Тăвай районĕн Уставне улшăнусем кĕртнĕ тата ытти ыйтусене те пăхса тухнă.
Пуху ĕçне депутатсемсĕр пуçне, район администрацийĕн пай ертÿçисем, предприятисемпе организацисен пуçлăхĕсем, ял хуçалăх предприятийĕсен председателĕсем, шкул директорĕсем хутшăннă.
Район администрацийĕн пайĕсем 2009 çулта мĕнле ĕçлесе пынин отчечĕсене хаçатăн малаллахи номерĕсенче пичетлесе пыратпăр.
В.ЧАЙКИН.