00:00 12 марта 2010 г.
Чăваш Республикин Юстици министерстви кăçал пуçласа массăллă информаци хатĕрĕсенче ĕçлекенсем хушшинче коррупцие хирĕç кĕрешес ыйтупа пичетленекен материалсен конкурсне ирттерме йышăннă. Тĕллевĕ – коррупци сăлтавĕсене уçса парасси, халăх ăнланăвне ÿстересси, обществăна çак япăх пулăмпа кĕрешме хутшăнтарасси.
Конкурса асăннă темăпа 2010 çулхи кăрлачăн пĕрремĕшĕнчен пуçласа чÿк уйăхĕн 15-мĕшĕчченхи тапхăрта республикăра пичет кăларăмĕсенче кун çути курнă статьясене (е ярăмне) йышăнаççĕ. Ăна раштав уйăхĕн 15-мĕшĕнче пĕтĕмлетеççĕ, çĕнтерÿçĕсене Чăваш пичечĕн кунĕнче чыслаççĕ. Тĕплĕнрех ыйтса пĕлмелли телефонсем: 62-11-76 тата 62-33-53.