00:00 29 января 2010 г.
Çĕнĕ çул уявĕ умĕн район центрĕнчи проспектра вырнаçнă çуртсене, предприятисемпе организацисен, учрежденисен объекчĕсене каçсерен çутăпа капăрлатасси йăлана кĕчĕ ĕнтĕ. Ку тĕлĕшпе çуллен конкурс та ирттереççĕ, вăл Раштавчченех тăсăлать.
Çак эрнере çутăпа илемлетес конкурса пĕтĕмлетнĕ, унта “Районти культурăпа кану центрĕ” муниципаллă культура учрежденийĕпе районти тĕп больница 1-мĕш вырăн йышăннă тесе палăртнă. Условисемпе килĕшÿллĕн вĕсене диплом тата 1,5-шер пин тенкĕ преми парса хавхалантарнă. 2-мĕш премипе (1000 тенкĕ) диплома “Тăвай кооперативĕ”, 3-мĕшне (500 тенкĕ) “Водоэлектросеть” тивĕçнĕ.
“Дорстрой” ОООна, Пенси фончĕн районти управленине, Раççей Перекет банкĕн хушма офисне, Йăла çуртне, Тăвайри газ участокне тата район администрацине хăйсен çурчĕсемпе сооруженийĕсене паха капăрлатнăшăн грамотăсем парса хавхалантарнă.
В.ВАСИЛЬЕВ.