00:00 26 января 2010 г.
Çĕршыв Президенчĕ Дмитрий Медведев йыхравланипе Чăваш Ен ертÿçи Николай Федоров Мускавра Раççей Федерацийĕн Патшалăх Канашĕн ларăвне хутшăннă. Ларура çĕршывăн политика тытăмне çĕнетсе улăштарассипе, Раççей Федерацийĕн политика институчĕсене çирĕплетессипе çыхăннă ыйтусене сÿтсе явнă.
Çавăн пекех Чăваш Ен Президенчĕ Николай Федоров тата федераци Ĕçлев службин ертÿçи Юрий Герций Килĕшĕве алă пуснă. Асăннă Килĕшÿре Чăваш енре халăха ĕçпе тивĕçтерес ыйтусене татса памалли мелсене палăртнă. Федерацин Ĕçлев тата халăха ĕçпе тивĕçтерекен службин тата Чăваш Республикин Министрсен Кабинечĕн Килĕшĕвĕнче палăртнă тăрăх ĕçлекенсене професси пĕлĕвĕ пама, вĕрентÿ учрежденийĕсене пĕтерекенсене стажировкăна яма, инвалидсене ĕçе вырнаçтарма, ĕçсĕр тăрса юлнă граждансене бизнеса явăçтарма, Чăваш Енри предприятисене хушма ĕç вырăнĕсем йĕркелес тĕлĕшпе хавхалантарма 530 миллион тенкĕлĕх хушма укçа-тенкĕ уйăраççĕ.
Н.В.Федоров Мускав тата Пĕтĕм Руç Патриархĕпе Кирилпа тĕл пулса калаçнă. Калаçу вăхăтĕнче обществăн кăмăл-сипетлĕхне çĕклессипе тата Чăваш Енре ăс-хакăла аталантарассипе çыхăннă ыйтусене сÿтсе явнă.
ЧР ПА пресс-служби.