00:00 15 января 2010 г.
Январь уйăхĕн виççĕмĕш вырсарнийĕ – Чăваш пичечĕн кунĕ. Кулленхи пурнăçра çынна хаçат-журналсăр çав тери кичем пулнă пулĕччĕ. Ахальтен каламан информаци тытакан тĕнчене тытать тесе. Пирĕн хаçатсем çĕршыв, республика, район пурнăçне анлăн çутатса пама тăрăшаççĕ. Пурнăçăн тĕрлĕ сферинчи çĕнĕлĕхсене эпир массăллă информаци хатĕрĕ урлă пĕлсе тăратпăр. Анчах хаçат вăл информаци çăлкуçĕ кăна мар, вăл пире пурнăçа лайăхлатма пулăшакан, ырă канашсем, çĕнĕ идейăсем паракан, пирĕн тавракурăма анлăлатакан. Тĕрĕс те ирĕклĕ сăмахăн вăйĕ çав тери пысăк.
Район хаçатĕнче ĕçлекенсене, пичетпе полиграфи ĕçĕн ветеранĕсене, обществăлла корреспондентсене професси уявĕпе ăшшăн саламлатăп, çăмăл мар ĕçре тÿсĕмлĕх, çирĕп сывлăх, çитĕнÿсем сунатăп.
Район пуçлăхĕ Н.И.ИВАНОВ.