00:00 11 декабря 2009 г.
I. Декабрĕн 12-мĕшĕнче районти шашкăпа шахмат клубĕнче Тăвай ял поселенийĕ шашкăлла вылякансем хушшинче В.Н.Чернов 80 çул тултарнине халалласа уçă турнир ирттерет. 9 сехет те 30 минутра пуçланать. Малти 5 вырăн йышăнакансене парнесем кĕтеççĕ.
II. Декабрĕн 12-мĕшĕнче Тăвайри спорткомплекс залĕнче районта мала тухассишĕн мини-футболпа турнир пулать. 10 сехетре пуçланать.
Турнира ял поселенийĕсен, уйрăм ялсен, организацисемпе предприятисен, вăтам шкулсен командисем, ытти принципсемпе йĕркеленĕ командăсем хутшăнма пултараççĕ.
Турнира хутшăнакансене асăнмалăх дипломсем, малти вырăнсем йышăннă командăсене дипломсемпе парнесем парса хавхалантараççĕ.
III. Декабрĕн 16-мĕшĕнче район центрĕнче волейболла выляса мала тухассишĕн çулленхи марафон-турнир пуçланать. Декабрĕн 14-мĕшĕнче, тунти кун, командăсен представителĕсене шăпа яма каçхине 18 сехете ДЮСШна пухăнма ыйтатпăр.
О.ЛОМОНОСОВ.