00:00 11 декабря 2009 г.
Республика Президенчĕ халĕ ЧР Патшалăх Канашне тата Чăваш Ен халăхне яракан черетлĕ Çырăва хатĕрлет.
Çыру – никĕс вырăнĕнчи документ, унта халиччен мĕн тунине хаклаççĕ, малашлăх тĕллевсене палăртаççĕ. Вăл – пысăк пĕлтерĕшлĕ ĕç хатĕрĕ: унта палăртакан мĕн пур тĕллев Правительствăшăн, Патшалăх Канашĕшĕн, влаçăн вырăнсенчи органĕсемшĕн, бизнесшăн ĕç программи пулса тăраççĕ.
Çырăва хатĕрленĕ чухне конструктивлă мĕн пур шухăша шута илеççĕ. Эсир 2010 çул валли хатĕрлекен Çырăва кĕртме мĕн сĕннĕ пулăттăр? Сирĕн шухăшăрпа, республикăра пурăнакансен, Чăваш Ен хулисемпе ялĕсен пурнăçне лайăхлатас тесен мĕн тумалла;
Сирĕн Президента сĕнмелли е çак темăпа унран ыйтмалли пур тăк – çапла тума пултаратăр.
Çак майпа усă курăр!
Сирĕн сĕнÿсене çак адреспа йышăнаççĕ: Чăваш Республики, Шупашкар хули, Республика лапамĕ, Правительство çурчĕ. Электрон почтипе те яма пулать: analit2@cap.ru. “Çыру хатĕрлеме” тесе палăртма ан манăр. 39–35–73 тата 39–35–75 телефонсемпе те çыхăнма май пур.