00:00 24 ноября 2009 г.
Район администрацийĕнче иртнĕ черетлĕ планеркăра умра тăракан ыйтусене тишкернĕ. Çул вĕçленсе пынă май администраци пайĕсемпе управленин, секторсемпе ытти службăсен экономика ыйтăвĕсене куллен тимлĕхре тытмалли çинчен район администрацийĕн пуçлăхĕн çумĕ В.Я.Шакров аса илтерчĕ.
Район больницин тĕп врачĕ Т.Х.Шакшина грипп алхаснипе профилактика ĕçне анлăрах сармалли çинчен асăрхаттарчĕ.
Çак эрнере Аннесен кунĕ ячĕпе тĕрлĕрен мероприятисем иртеççĕ.
Юлашки кунсенче юр çусах тăчĕ, çавăнпа та тивĕçлĕ службăсен çул-йĕре тасатса тăрассине тимлемелле.
Çĕнĕ Пуянкасси, Енĕш Нăрваш ял поселенийĕсенче нумай ачаллă çемьесене тата хăр тăлăх ачасем валли çурт-йĕр тăвасси малалла пырать. Объектсене çулталăк вĕçлениччен ĕçе кĕртмелле.
Планеркăра ытти çивĕч ыйтусене те пăхса тухнă.
В.ЧАЙКИН.