00:00 20 ноября 2009 г.
Тăрмăшри культура çуртĕнче ĕçлекенсемпе клуб совечĕн членĕсем, ял-йыш тăтăшах Шупашкара чăваш эстрада артисчĕсен концерчĕсене курма çÿреççĕ. Çакă вăхăта усăллă ирттерме, тавракурăма ÿстерме, ялти культура ĕçне çĕнĕлĕхсем кĕртме пулăшать.
“Театрсенче концерт курма уйрăмах кăмăллă, – теççĕ вĕсем. –Кунта сцени те илемлĕ, артисчĕсем те нумайăн”.
Чÿк уйăхĕн 26-мĕшĕнче ял çыннисем Чăваш патшалăх филармонине чăваш эстрада çăлтăрĕсен концертне курма каясшăн. Тăвай енрен тухнă пултаруллă юрăçсем те хутшăнаççĕ унта. Билетпа çул хакĕ пĕрле пĕр çын пуçне 300 тенкĕ, Е.Матросова культура ĕçченĕнчен тĕплĕнрех ыйтса пĕлме пултараççĕ кăмăл тăвакансем.
Р.ВАСИЛЬЕВА.
Сăн ÿкерчĕкре: Тăрмăшра чăваш эстрада çăлтăрĕсемпе тĕл пулнă самантра.