00:00 30 октября 2009 г.
“Пенси системине лайăхлатасси” информаци марафонĕ пулнă май виçĕм кун РФ Пенси фончĕн районти управленийĕнче уçă алăксен кунĕ иртнĕ. Пенси законодательствинчи çĕнĕлĕхсемпе паллашас тата тулли информаци илес тĕллевпе унта гражансем чылайăн пухăннă.
Районти управлени специалисчĕсем 2010 çулхи кăрлачăн 1-мĕшĕнчен ĕç пенсийĕсене валоризацилесси, социаллă тÿлевсем хушса тÿлес йĕрке, пенси тытăмĕнчи улшăнусем çинчен тĕплĕн каласа панă.
Пухăннисене пенси ыйтăвĕсемпе ăнлантарса çырнисене валеçсе панă. Хăш-пĕр граждансене валоризаци ирттернипе вăтамран пенси мĕн чухлĕ ÿсме пултарнине шутласа панă.
В.ФОМИНА.