10:42 31 июля 2015 г.
Чăваш Республикин Тĕп суйлав комиссийĕ Чăваш Ен Пуçлăхĕн суйлавне хутшăнакан кандидатсене регистрацилессине вĕçленĕ.
Чăваш Республикин Пуçлăхĕн тивĕçĕсене вăхăтлăх пурнăçлакан М.Игнатьева чи малтан регистрацилени çинчен пĕлтернĕччĕ. Тата тепĕр 4 кандидата регистрациленĕ: РФ Патшалăх Думин депутачĕ, КПРФăн регионти уйрăмĕ сĕннĕ В.Шурчанов, ЧР Патшалăх Канашĕн депутачĕ, "Справедливая Россия" партин регионти уйрăмĕн кандидачĕ О.Николаев, Мускав çынни, РФ Патшалăх Думин депутачĕ, ЛДПРăн Чăваш регионти уйрăмĕ сĕннĕ К.Субботин, Раççейри пенсионерсен партийĕн регионти уйрăмĕ сĕннĕ В.Сапожников.
Чăваш Ен Пуçлăхĕ пулма ĕмĕтленекен тепĕр çичĕ çын законпа килĕшỹллĕ документсене вăхăтра тăратайман, çавăнпа вĕсен ыйтăвне тивĕçтермен, регистрацилеме килĕшмен Тĕп суйлав комиссийĕ.
АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии