09:22 14 апреля 2015 г.
Кăçал Республика кунĕ июнĕн 24-мĕшĕнче Канаш районĕнче иртет. Хальхи вăхăтра уяв мероприятийĕсене хатĕрленсе ирттерес ĕçсем сарăлса пыраççĕ. Иртнĕ эрнере Канаш районĕнче Чăваш Республикин культура, национальноçсен ĕçĕсен тата архив ĕçĕн министрĕ Вадим Петрович Ефимов, министр çумĕ Татьяна Васильевна Казакова, Чăваш Ен культура министерствин "Республикăри культура программисен дирекцийĕ" АУ директорĕ Максим Юрьевич Матросов ĕçлĕ визитпа пулнă. Тĕл пулу тĕп мероприятисем иртекен вырăнта - Асхва ялĕ çывăхĕнчи "Урожай" стадионта иртнĕ. Хăнасене Канаш районĕн администрацийĕн пуçлăхĕ В.В.Софронов, унăн çумĕ - финанс пайĕн начальникĕ А.Н.Поляков, Республика кунне ирттерес енĕпе ĕçлекен комисси членĕсем кĕтсе илнĕ.
ЧР культура министрĕн тата унпа пĕрле килнĕ хăнасен тĕллевĕ Республика кунне Канаш районĕнче уявлама хатĕрленесси пулнă, çавна май пухăннисем тĕп сцена вырăнне палăртнă, праçник ирттермелли плана сỹтсе явнă, сценарипе паллашнă.
(Хамăр инф.).
АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии