09:21 14 апреля 2015 г.
Районта "Çĕнтерỹ ялавĕ умĕнчи часовой" акци пырать.
Элпуçĕнчи вăтам шкулта патриотла акци ячĕпе савăнăçлă линейка иртнĕ. Ăна шкул директорĕ Лариса Кабакова уçнă. Вăл тата тухса калаçакансем пирĕн халăх 70 çул каялла Тăван çĕршывăн Аслă вăрçинче çĕнтерсе хăйĕн паттăрлăхне, пĕрлĕхне кăтартнине палăртнă.
Çĕнтерỹ ялавĕ - ăрусен символĕ. Виçĕ кун хушши шкулта вĕренекенсенчен кашниех хисеплĕ хуралта пулнă. Саккăрмĕшсем вара Элпуç ялĕнче вăрçăра вилнисене асăнса лартнă палăк умĕнче хуралта тăнă.
"Эпир - Аслă Çĕнтерỹ тăхăмĕсем" девизпа йĕркеленĕ патриотла акци апрелĕн 5-мĕшĕччен пулнă шкулта.
П.НИКИФОРОВ.
АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии