09:09 16 декабря 2014 г.
Юпа уйăхĕн 9-11-мĕшĕнче Шупашкарта "Раççей - спорт çĕр-шывĕ" форум иртнĕччĕ. Район хаçачĕ спорт уявне халалласа, халăх хушшинче сывă пурнăç йĕркине анлăрах сарас тĕллевпе "Сывă пурнăç - ырă пурнăç" ятлă сăн ỹкерчĕксен конкурсне йĕркелерĕ. Районти спорт пурнăçĕпе çы-хăннă тĕрлĕ çулхи ỹкерчĕксем пичетленсе пычĕç. Шкулта вĕренекенсем, тĕрлĕ çĕрте ĕçлекенсем, пенсионерсем хутшăнчĕç. Конкурса тăратнă ĕçсене пăхса тухса жюри çапла хакларĕ:
1-мĕш вырăн - Антонина Лазарева (Енĕш Нăрваш шкулĕ), Татьяна Шакшина (1-мĕш номерлĕ ача сачĕ);
2-мĕш вырăн - Валентина Григорьева (Ураскасси ялĕ), Татьяна Иванова (Тăвай шкулĕ);
3-мĕш вырăн - Наталья Ефремова (Тăвай ялĕ).
1-3 вырăнсем йышăннисене 2015 çулхи пĕрремĕш çур çул валли "Ял ĕçченĕ" хаçат çырăнса панă, Хисеп грамотисемпе наградăланă.
Ольга Уткинана (район центрĕнчи 1-мĕш номерлĕ ача сачĕ), Оксана Степанована (халăха социаллă пулăшу паракан центр), Елена Борисована (Тăвай шкулĕ) Тав çырăвĕсемпе чысланă.
АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии