Новости » Потребительсем валли - "Хĕрỹ лини"

09:17 14 марта 2014 г.

Çулленех пуш уйăхĕн 15-мĕшĕнче потребительсен правине хỹтĕлемелли куна паллă тăваççĕ. Кăçал вăл "Мобиль çыхăнăвĕн услугисем" девизпа иртет. Карас телефонĕпе усă куракансен потребитель правине хỹтĕлес тема тĕнчипех актуаллă. Çавăнпа Пĕтĕм тĕнчери потребительсен организацийĕ мобиль çыхăнăвĕпе усă куракансен проблемисем çине пысăк тимлĕх уйăрма палăртать. Роспотребнадзорăн Чăваш Республикинчи Канаш хула территори уйрăмĕ пуш уйăхĕн 18-мĕшĕнче Тăвай районĕнче пурăнакансемпе "Хĕрỹ лини" йĕркелет. Вăл "Ял ĕçченĕ" хаçат редакцийĕнче 14.00-16.00 сехетсенче иртет. Потребительсен правине хỹтĕлес ыйтусем çине Канаш хула территори уйрăмĕн начальникĕ Вячеслав Геннадьевич Егоровпа Ирина Леонидовна Молокова специалист-эксперт хуравлаççĕ. Пирĕнпе çыхăнмалли телефон номерĕ: 2-14-05.

(Хамăр инф.).

АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии