Новости » Мĕнле канатпăр

РФ Правительствин 2013 çулхи майăн 28-мĕшĕнчи 444-мĕш номерлĕ “Канмалли кунсене куçарасси çинчен” йышăнăвĕпе 2014 çулхи уяв кунĕсемпе пĕр килекен январĕн 4 тата 5-мĕшĕсем (шăмат кунпа вырсарни кун) майăн 2-мĕшне тата июнĕн 13-мĕшне куçаççĕ.

Тăван çĕр-шыв хÿтĕлевçин кунĕ (февралĕн 23-мĕшĕ) вырсарни кун пулать. Çавна пула февралĕн 24-мĕшĕ (тунти кун) уяв кунĕ шутланать, ăна вара ноябрĕн 3-мĕшне куçараççĕ.

Çапла май Çĕнĕ çул уявĕнче январĕн 1–8-мĕшĕсенче канатпăр. Февралĕн 22–23-мĕшĕсенче (Тăван çĕр-шыв хÿтĕлевçин кунĕ), мартăн 8–10-мĕшĕсенче (Пĕтĕм тĕнчери хĕрарăмсен кунĕ), майăн 1–4-мĕшĕсенче (Çуркуннепе Ĕç уявĕ), майăн 9–11-мĕшĕсенче (Çĕнтерÿ кунĕ) кану кунĕсем. Июньте канмалли кунсем 12–15-мĕшĕсем пулаççĕ (Раççей кунĕ), ноябрьте – 1–4-мĕшĕсем (Халăх пĕрлĕхĕн кунĕ).