Новости » Граждансене йышăнма пуçлĕç

Раштав уйăхĕн 12-мĕшĕнче Раççей Федерацийĕн Конституцине туса хунăранпа 20 çул çитет.

Раççей Президенчĕн хушăвĕпе килĕшÿллĕн, 2013 çулхи раштав уйăхĕн 12-мĕшĕнчен пуçласа малашне Раççей Федерацийĕн Конституцийĕн кунĕнче вырăнти вăхăтпа 12 сехетрен пуçласа 20 сехетчен РФ Президенчĕн Мускаври Йышăну пÿлĕмĕнче, çĕр-шыв субъекчĕсен федераци округĕсенчи, административлă центрсенчи РФ Президенчĕн Йышăну пÿлĕмĕсенче, федерацин ĕç тăвакан влаç тата территори, вырăнти хăй тытăмлăх органĕсенче граждансене хăйсен ыйтăвĕсемпе йышăнма пуçлĕç.

Уйрăм йышăнăва черетпе йĕркелĕç, çумра паспорт пулмалла.

Асăннă информаципе тĕплĕнрех РФ Президенчĕн официаллă сайтĕнчи “Личный прием” страницăри “Обращения” уйрăмра (сайт адресĕ – http://Ietters.kremlin.ru/receptions) паллашма пулать.

Тăвай районĕнче йышăну район администрацийĕн пуçлăхĕн пÿлĕмĕнче (Ленин проспекчĕ, 13-мĕш çурт, 2-мĕш хут) 12 сехетрен пуçласа 20 сехетчен иртет.