Новости » Çамрăк амăшĕсемпе канашланă

“Ачасем тата çемье” акципе килĕшÿллĕн район администраци çумĕнчи çул çитменнисен правине хÿтĕлекен комисси пепкепе отпускра ларакан амăшĕсене çавра сĕтел хушшине пухрĕ.

Унта активлă пурăнăçа таврăнма хатĕр хĕрарăмсен вĕренме май пурри пирки сăмах хускатрĕ халăха ĕçпе тивĕçтерекен службăн тĕп специалисчĕ Н.Петрова. Вĕреннĕшĕн укçа тÿлемелле мар. Ача виçĕ çул тултариччен çĕнĕ пĕлÿ илме кăмăлласан аван. ЧР ĕç рынокĕнче паянхи кун мĕнле професси ытларах кирлине, ача амăшĕсен кăмăл туртăмне шута илсе вĕрентеççĕ. Кайран тивĕçлĕ документ параççĕ. Вĕренÿ учрежденийĕнчи правилăсемпе требованисене пурнăçлама тăрăшмалла пĕлÿ илнĕ чухне.

И.АЛЕКСАНДРОВА.