Новости » Пĕрлехи информаци кунĕ

Октябрĕн 16-мĕшĕнче республикăра пĕрлехи информаци кунĕ иртет, района ку тĕлĕшпе Чăваш Республикин Патшалăх Канашĕн Председателĕн çумĕ – бюджетпа финанс тата налог енĕпе ĕçлекен комитет председателĕ Анатолий Пантелеймонович Князев ертсе пыракан информаци ушкăнĕ килет. Информаци кунĕн тĕп темисем:

1. “Пĕр чÿрече” принципĕпе Чăваш Республикинче халăха патшалăх тата муниципалитет услугисем парасси;

2. Тăлăх ачасене хÿтĕлес сферăра патшалăх политикине пурнăçа кĕртмелли мерăсем. Ачасене вĕсен сывлăхне тата аталанăвне сиен кÿрекен информацирен хÿтĕлесси;

3. Чăваш Республикин “Чăваш Республикинче тÿлевсĕр юридика пулăшăвĕ парасси çинчен” саккунне пурнăçласси.

Информаци ушкăнĕсем ялсенче, предприятисемпе организацисенче пулаççĕ, халăхпа тĕл пулаççĕ, ыйтусем çине хуравсем параççĕ. Пĕрлех çитес çулшăн подписка мĕнле пынине, ял хуçалăх ĕçĕсене вĕçлессине, ăшăпа тивĕçтерес ыйтусене те сÿтсе явĕç. 13 сехетре район администрацийĕн çуртĕнче граждансене харпăр хăй ыйтăвĕсемпе йышăнаççĕ.

О.ЛОМОНОСОВ.