Новости » Октябрĕн 4-мĕшĕнче – гражданла оборона сигналĕ

Октябрĕн 4-мĕшĕнче гражданла оборонăпа Пĕтĕм Раççейри тренировка пулать. Çав кун ирхине 9 сехетре халăха пĕлтермелли элетросиренăсен системи мĕнле ĕçленине тĕрĕслеççĕ. Сирена сассине илтсен, çынсен çухалса каймалла мар, ĕç вырăнĕнчех юлмалла. Ку вĕренÿ сигналĕ кăна. Çавнашкал сигналсем халăха техногенлă аварисем, çут çанталăк инкекĕсем пуласси, тăшман тапăнасси çинчен пĕлтерме кирлĕ. Сиренăсен, гудоксемпе сигнал памалли ытти хатĕрсен сассине илтсен, граждансен радиоприемниксене, телевизорсене ямалла та мĕн çинчен пĕлтернине итлемелле. Хăвăр илтнине ĕçтешĕрсене, çемьери çынсене, кÿршĕсене каламалла, кирлĕ пулсан ватăсемпе чирлĕ çынсене, хĕрарăмсемпе ачасене пулăшу памалла.

Пĕтĕм Раççейри тренировкăна ăнсăртран мар октябрĕн 4-мĕшĕнче ирттереççĕ, çав кун Раççейре РФ МЧСăн Гражданла оборона кунне паллă тăваççĕ.