Новости » Чăваш Правительствин ларăвĕнче

Чăваш Республикин Министрсен Кабинечĕн черетлĕ ларăвĕнче Правительство членĕсем “Чăваш Республикин 2014 çулхи тата планпа 2015–2016 çулсене пăхнă бюджечĕсем çинчен” Закон проектне ырланă.

Çитес çулхи бюджетăн пĕтĕмĕшле тупăшĕсен калăпăшĕ 31,4 млрд., тăкаксен калăпăшĕ 34,6 млрд. тенкĕпе танлашмалла (дефицит – 3,16 млрд. тенкĕ). Прогнозпа пăхнă малалли çулсенче тупăшсен калăпăшĕ ÿссе, бюджет дефицичĕ чакса пымалла.

Ларура çавăн пекех “Обязательнăй медицина страхованийĕн территори фончĕн 2014 çулхи бюджечĕ çинчен” Закон проектне тата ытти ыйтусене пăхса тухнă, ялсене чечек-йывăç лартса илемлетессипе ирттернĕ республикăри смотр-конкурса пĕтĕмлетнĕ.

(Хамăр инф.).