Новости » Уяв мероприятийĕсем ирттерес ыйтусем çинчен те

Чăваш Ен Пуçлăхĕ Михаил Игнатьев Мускавра Раççей Федерацийĕн Правительствин Председателĕн çумĕпе Дмитрий Козакпа тĕл пулнă. Тĕл пулура республикăн экономикăпа социаллă пурнăç аталанăвĕпе, Канаша пысăк хула туса хума пулăшассипе, граждансене авариллĕ çурт-йĕртен лайăх çуртсене пурăнма куçарассипе, Шупашкар хулине никĕсленĕренпе 550 çул, Чăваш автономи облаçне туса хунăранпа 100 çул çитнине уявлассипе çыхăннă ыйтусене сÿтсе явнă.

Уяв мероприятийĕсене пурнăçа кĕртме 2015–2016 çулсенче федераци бюджетĕнчен 1,7 млрд. тенкĕ уйăрма пăхнă. Ку укçа-тенкĕпе республикăри сывлăх сыхлавĕпе культура, спорт учрежденийĕсене реконструкци тăвĕç, Шупашкарăн инженери инфратытăмне çĕнетĕç.

Уяв мероприятийĕсене йĕркелесе ирттерме пĕтĕмĕшле 25,7 млрд. тенкĕ пăхса хăварнă. Вăл шутран федераци бюджетĕнчен 8,1 млрд. тенкĕ, Чăваш Республикин бюджетĕнчен 9,7 млрд. тенкĕ, бюджетпа çыхăнман çăл куçсенчен 7,9 млрд тенкĕ уйăрма палăртнă.