РФ тата Чăваш Республикин нормативлă – право актчĕсемпе килĕшÿллĕн Тăвай районĕнче патшалăхпа муниципалитет пулăшăвĕ паракан центр уçăлчĕ. Вăл район администрацийĕн çурчĕн пĕрремĕш хутĕнче вырнаçнă.
Асăннă автономлă учрежденин тĕп задачи – патшалăхпа муниципалитет пулăшăвĕсем илессине çăмăллатасси. Килĕшÿллĕ лару-тăру, çĕнĕ оборудованисем, лайăх хатĕрленĕ тата ятарлă пĕлÿллĕ сотрудниксем кĕске срокра сирĕн ыйтусене татса пама май парĕç.
Центр уçăлни документ илме черет кĕтсе тăрассине тата тĕрлĕ организацисене çÿресе вăхăт ирттерессине, ытти чăрмавсене пĕтерме май парать.
Учреждени федераллă, регионри тата муниципаллă влаç органĕсене пĕрлештерет, пĕр-пĕр докумет илессине çăмăллатать. Хулана кайса çул укçи тÿлемелле пулмасть, сирĕн вăхăта та перекетлет. 30 яхăн пулăшу параççĕ асăннă центрта.
Пурнăç условийĕсене лайăхлатма, çĕр участокĕ илме учета тăрас тĕллевлисем, çемье çавăрма ĕмĕтленекенсем тата ыттисем пирĕн учрежденине килме пултараççĕ. Центр коллективĕ сире тимлĕ итлĕ, патшалăх тата муниципалитет пулăшăвĕсем илмелли документсем тума пулăшĕ.
Николай Юрьевич Перцев директор йĕркелесе пырать учрежденири ĕçсене. Тунти кун, ытлари кун, юн кун, кĕçнерни кун, эрне кун ирхине 8 сехетрен пуçласа пиллĕкчен ырă сунса кĕтетпĕр Тăвай районĕнче пурăнакансене. Шăмат кунпа вырсарни кун канатпăр.
Тĕплĕнрех 8-919-651-05-48 номерпе шăнкăравласа пĕлме пултаратăр. Электронлă почта адресĕ: mfc@yantik.cap.ru
Н.ПЕРЦЕВ, “Патшалăхпа муниципалитет пулăшăвĕ паракан нумай функциллĕ центр” автономиллĕ учреждени директорĕ.