Новости » Вăрçă паттăрне халалласа

Мучарта çуралса ÿснĕ Совет Союзĕн Геройĕ Петр Харитонович Бухтулов пурăннă пулсан çак кунсенче 89 çул тултаратчĕ.

Тăвайри тĕп библиотекăра ĕçлекенсем ун кун-çулĕ, паттăрлăхĕ пирки калаçу йĕркелерĕç нумаях пулмасть.

Хресчен çемйинче çутă тĕнчене килнĕ Петр Харитонович. Вырăс вăл. 1942 çулта вăрçа хăй ирĕкĕпе тухса кайнă ентешĕмĕр. “Паттăрлăхшăн” медаль пĕрремĕш награда пулнă унăн. 1943 çулта илнĕ ăна П.Бухтулов. Румыние, Венгрие, Чехословакие, Австрие ирĕке кăларнă çĕре хутшăннă. Вăл тăшманăн 16 танкне, çĕр ытла салтакĕпе офицерĕсене тĕп тунă. 1946 çулхи çу уйăхĕн 15-мĕшĕнче пирĕн ентешĕмĕре, Мучарта çуралса ÿснĕ Петр Харитонович Бухтулова Совет Союзĕн Геройĕ ят панă, Ленин орденĕпе тата “Ылтăн Çăлтăр” медальпе чысланă. ЧАССРăн ĕç мухтавĕпе паттарлăх кĕнекине кĕртнĕ унăн ятне.

Портрет-калаçăва хутшăннисене паттăрлăх темине уçса паракан выставкăпа та паллашма сĕннĕ библиотекарьсем.

В.АНДРЕЕВА, Тăвайри тĕп библиотека.