Новости » 2014 çулта канмалли кунсене куçарасси çинчен

РФ Правительствин 2013 çулхи майăн 28-мĕшĕнчи 444 номерлĕ “2014 çулта канмалли кунсене куçарасси çинчен” постановленийĕпе килĕшÿллĕн, 2014 çулта январĕн 4 тата 5-мĕшĕсенчи (шăмат кун тата вырсарни кун) праçниксемпе пĕр килекен канмалли кунсене майăн 2-мĕшне тата июнĕн 13-мĕшне куçараççĕ.

Çĕр-шыв хÿтĕлевçин кунĕ (февралĕн 23-мĕшĕ) 2014 çулта вырсарни кунпа пĕр килет. Çавна май саккунпа канмалли шутланакан тунти кун (февралĕн 24-мĕшĕ) ноябрĕн 3-мĕшĕнчи тунти куна куçать.

Çапла вара Çĕнĕ çулхи тата Раштаври каникулсем 8 куна – январĕн 1–8-мĕшĕсене тăсăлаççĕ. Малалла çĕр-шыв февралĕн 22–23-мĕшĕсене (Çĕр-шыв хÿтĕлевçин кунĕ), мартăн 8–10-мĕшĕсене (Пĕтĕм тĕнчери хĕрарăмсен кунĕ), майăн 1–4-мĕшĕсене (Çуркуннепе Ĕç уявĕ) тата майăн 9–11-мĕшĕсене (Çĕнтерÿ кунĕ) канатпăр. Июньте 12–15-мĕш (Раççей кунĕ), ноябрьте 1–4-мĕш (Халăх пĕрлĕхĕн кунĕ) числосем канмалли кунсем пулаççĕ.