Новости » Майăн 27-мĕшĕнче – Михаил Игнатьевпа тÿрĕ лини

 Чăваш наци радиовĕ республикăра пурăнакансенчен майăн 27-мĕшĕнче 12 сехетре Чăваш Республикин Пуçлăхĕпе Михаил Игнатьевпа иртекен тÿрĕ лини вăхăтĕнче хуравсем илме ыйтусем малалла йышăнать.

Ку таранччен илнĕ ыйтусенчен малти вырăнта – ЖКХ проблемисем, яллă вырăнсенче çул-йĕр тăвассипе юсас ыйтусем. Иккĕмĕшĕнче – ача сачĕсенчи черетпе çыхăннă ыйтусем. Чылайăшне граждансен тĕрлĕ категорийĕсене тивĕçтерекен çăмăллăхсем кăсăклантараççĕ тата “Ĕç ветеранĕ” ята парассипе çыхăннă ыйтусем пăшăрхантараççĕ.

Аса илтеретпĕр, ыйтусене малтанласа 62–12–66, 62–13–20 телефонсемпе йышăнаççĕ. Çавăн пекех вĕсене наци радиовĕн nраdio@mail.ru е Чăваш Республикин Пуçлăхĕн Администрацийĕн пресс-службин press@cap.ru, pressl@cap.ru, press2@cap.ru электрон адресĕсемпе те ярса пама юрать.

Тÿрĕ эфир вăхăтĕнче ыйтусене 62–30–88 тата 62–12–66 телефонсемпе йышăнаççĕ. Чăваш Республикин Пуçлăхĕпе Михаил Игнатьевпа иртекен тÿрĕ линие 105.0 FM тата 72.41 УКВ хумсемпе трансляцилеççĕ тата интернетра “Чăваш телерадиокомпанийĕ” ntrk21.ru сайт çинче пулать.