Новости » Республика кунне районта уявласси – тĕп ыйту

Район администрацийĕн пуçлăхĕ çумĕнчи планерка хальхинче çурхи уй-хир ĕçĕсем мĕнле пынине сÿтсе явнинчен пуçланнă. Владимир Ванерке, куллен хуçалăхсен уйĕсене тухса вĕсенчи лару-тăрупа вырăнта паллашнă май, конкретлă задача лартнă: çур акине вăхăтра тата ăнăçлă вĕçлемелле. “Чылайăшĕ акана пĕтернĕ, ыттисем те тăрăшаççĕ. Уйрăм коллективсем пикенсех çĕр улми лартаççĕ,” – пĕлтернĕ администраци пуçлăхĕн пĕрремĕш çумĕ – АПК аталанăвĕпе экологи пайĕн начальникĕ Валерий Чайкин.

Планеркăра чылай ыйту сÿтсе явнă. Чи пĕлтерĕшлисенчен пĕри – Республика кунне районта уявлама хатĕрленсе çитесси. Çав тĕле строительство объекчĕсене хута ярĕç. Çурт-йĕрсене çĕнетсе лайăхлатассипе малалла ĕçлеççĕ. Массăллă мероприятисене пĕлсе йĕркелесси, çынсен хăрушсăрлăхне тивĕçтересси уйрăмах тимлĕхре пулни кирлĕ.

Г.ЕГОРОВА.