Новости » Пĕрлехи информаци кунĕнче

Юн кун районта пĕрлехи информаци кунĕ иртнĕ. Унта Шупашкартан информаци ушкăнĕ килсе çитнĕ: ЧР Патшалăх Канашĕн патшалăх строительстви, вырăнти хăй тытăмлăх, регламент тата депутатсен этики енĕпе ĕçлекен комитет председателĕ Н.В.Малов (ушкăн ертÿçи) тата Чăваш Республикинче çын прависемпе ĕçлекен уполномоченнăй Ю.С.Кручинин. Малтанах вĕсем район администрацийĕн пуçлăхĕпе Владимир Ванеркепе тĕл пулнă.

Ун хыççăн информаци ушкăнĕсем Тăвай, Тăрмăш тата Çĕнĕ Пуянкасси ял тăрăхĕсене çитсе халăхпа, предприятисемпе организацисен ĕç коллективĕсемпе тĕл пулнă. Вырăнти хăй тытăмлăх тата территорири обществăлла хăй тытăмлăх органĕсен экологи субботникĕсем, Йывăç кунĕн çурхи тапхăрне, ялсене тирпей-илем кĕртессине, çулсен айккисене, ял тăрăхĕсенчи çулсене тасатса тăрассине йĕркелес, Чăваш Республикинче 2013 çулта тата 2020 çулчченхи тапхăрта пĕтĕмĕшле вĕренÿ тытăмне çĕнетмелли мерăсен комплексĕн тата эрех ĕçнине тĕрĕслесе тăрассине вăйлатас, алкоголизмпа ĕçке ернинчен профилактика тăвас ыйтусемпе задачăсене хускатнă тата сÿтсе явнă.

Çынсем информаци кунĕнчи ыйтусемпе хăйсен шухăшĕсемпе сĕнĕвĕсене пĕлтернĕ. Тĕслĕхрен, ялсенче çул тăвассипе активлă ĕçлемелле, тенĕ.

Тăвайри администраци залĕнчи тĕл пулура пĕтĕмлетÿсем тунă. 13 сехетрен граждансене харпăр хăй ыйтăвĕсемпе йышăннă.

О.ЛОМОНОСОВ.