00:00 15 января 2013 г.
2013 çулхи январĕн 14-мĕшĕнче çĕнĕ çулта пуçласа Тăвай ялĕнче ял поселенийĕсен пуçлăхĕсен район администрацийĕн пуçлăхĕ çумĕнчи Канашĕн анлă ларăвĕ пулса иртнĕ. Ларăва ертсе пынă район администрацийĕн пуçлăхĕ Владимир Ванерке умĕнхи ĕçсене, Çĕнĕ çулпа Раштав праçникĕсенчи мероприятисене пĕтĕмлетсе уяв кунĕсенчи килĕшÿллĕ, йĕркеллĕ ĕçшĕн пурне те тав тунă. Халĕ, 2012 çулхи экономикăпа социаллă пурнăç аталанăвĕн итогĕсене тĕплĕн тишкерсе, кăçалхи çул, малашлăх валли конкретлă задачăсем палăртмалла, вĕсене пурнăçламалли мероприятисен планне тумалла. 2013 çулхи тĕп задачăсен шутĕнчех – Тăвай районĕнче Республика кунне уявламалли мероприятисене йĕркелес ыйтусене татса парасси те.
Январĕн 18–19-мĕшĕсенчи каçхине Турра ĕненекенсем массăллă шыва кĕресси те лайăх ирттĕр тесе тимлемелле, православи прихучĕсене пулăшу памалла.
Хăйсен 2012 çулхи ĕçĕсемпе районти полици уйрăмĕн начальникĕ В. Обаськин, надзор енĕпе ĕçлекен уйрăм начальникĕ В.Михайлов, районти ветстанци начальникĕ А.Шакин, районти тĕп больницăн тĕп врачĕ Н.Бурдасова информацисем туса панă, 2013 çулта Çĕр законодательствине пăхăннине тĕрĕслемелли планпа Россельхознадзорăн Чăваш Республикинчи управленийĕн аслă инспекторĕ Ю.Матвеев паллаштарнă.
Ларура ял поселенийĕсен пуçлăхĕсене, администрацин структура подразделенийĕсен ертÿçисене çĕнĕ инвестици проекчĕсем пурнăçа кĕртессипе проектпа смета документацийĕсем туса хатĕрлессипе çине тăрса ĕçлемеллине те кăтартса панă. Паллах, çулсене, урамсене, тротуарсене юртан вăхăтра та лайăх тасатса тăрасси те, урамсене çутатасси те тĕп тимлĕхре пулмалла.
О.ЛОМОНОСОВ, пай начальникĕ.