00:00 11 декабря 2012 г.
Малтанах ĕнерхи çинчен. Декабрĕн 10-мĕшĕнче, тунти кун, Ханты-Мансийск хулинче Хĕл Мучисен съезчĕ уçăлнă. Чи лайăх Хĕл Мучи (паллах, Юр Пикепе пĕрле) Парижа кайма путевка илме тивĕç пулнă.
Декабрĕн 11-мĕшĕнче, ытлари кун
Никама пăхăнман Патшалăхсен Пĕрлĕхĕнчи (СНГ) оборона министрĕсен Совечĕн ларăвне ирттерме палăртнă. Кун йĕркинче – Советăн председательне суйласси.
Декабрĕн 12-мĕшĕнче, юн кун
В.Путин Президент Федераци Пухăвне Çырупа тухать.
Петербургра Ханукана халалланă концерт иртет. Унта “Бураново кинемейĕсем” те хутшăнаççĕ.
Виçĕ 12.12.12 числосен кунĕ. Мускавра кăна çак кун, халичченхи юн кунсем ку енĕпе палăрса тăман пулсан та, 1 пин ытла мăшăр пĕрлешет.
Декабрĕн 14-мĕшĕ, кĕçнерни кун
Петербургри Михайловски театрта “Ромео и Джульетта” балет премьери пулать.
Мускавра хоккейла выляссипе “Пĕрремĕш канал Кубокĕ” старт илет.