00:00 30 ноября 2012 г.
Чăваш Республикин пиллĕкмĕш суйлаври Патшалăх Канашĕн черетлĕ саккăрмĕш сессийĕнче “Чăваш Республикин 2013 тата планпа пăхнă 2014 тата 2015 çулсенчи республика бюджечĕ çинчен” саккун проектне йышăннă. Кун йĕркинче ытти тĕрлĕ ыйтусемпе пĕрле Чăваш Республикин Çын прависен тата Ача прависен уполномоченнăйĕсене çирĕплетесси те пулнă.
ЧР Патшалăх Канашĕн йышăнăвĕсемпе Çын прависен уполномоченнăйне Чăваш Республикин Адвокат палатин ертÿçине Юрий Сергеевич Кручинина, Ача прависемпе ĕçлекен уполномоченнăйне Чăваш Республикин Обязательнăй медицина страхованийĕн территори фончĕн директорне Вячеслав Викторович Рафинова лартнă.