00:00 16 ноября 2012 г.
Ноябрĕн 17-мĕшĕнче Тăвайри “Аль” физкультурăпа спорт комплексĕнче республикăри патшалăх влаçĕпе вырăнти хăй тытăмлăх органĕсенче ĕçлекенсен физкультурăпа спорт спартакиадине вĕçлекен ăмăртăвĕсем пулаççĕ.
Программăра: стритбол (картишĕнчи баскетбол, волейбол, шывра ишесси), канат туртасси, комбинацилле эстафета (пăшалтан пересси, велокросс, çуран чупасси), дартс, мини-гольф.
х х х
Ноябрĕн 24-мĕшĕнче ял тăрăхĕсен командисем волейболла выляса районта мала тухассишĕн тупăшаççĕ.
х х х
Çав кунах шашистсемпе шахматистсем те кĕрешĕве тухаççĕ. Мускавран хамăр ентеш Василий Семенов спорт мастерĕпе юлташĕсем килеççĕ. ФСКра пирвайхи хут иртекен ăс-тăн вăййисене пурте хутшăнма пултараççĕ.
Ăмăртусем яланхи пекех 10 сехетре пуçланаççĕ.