00:00 07 ноября 2012 г.
Ноябрĕн 12–23-мĕшĕсенче районта “Пĕлтерсем, вилĕмпе ăçта сутă тăваççĕ” Пĕтĕм Раççейри акцин иккĕмĕш тапхăрĕ пулать. Унăн тĕллевĕ наркопреступлени çулне пÿлесси, çынсене пулăшасси. Граждансем тимлĕ пулни, наркотĕрĕслев органĕсене шанни, административлă йĕркисене пăснă тĕслĕхсене, уголовлă преступленисене тупса палăртма, вĕсене сирсе яма, социаллă хăрушлăх кÿрекен йăвасене хупма май параççĕ. Енчен те эсир кам та пулин наркотикле хатĕрсем кÿрсе килнине, вĕсене сарнине, çав шутра Интернетпа усă курса та, пĕлетĕр пулсан, Сире 2–14–79, 2–11–15, 2–12–41 “Шанăç” телефонĕсемпе шăнкăравлама ыйтатпăр. Çавăн пекех район администрацийĕн официаллă сайтне кĕрсе е администрацине çырупа пĕлтерме пулать. Ку вăл элек мар, вун-вун çын пурнăçне çăлса хăварни, вĕсене вилĕм серепине лекесрен хăтарни.
О.КИРИЛЛОВА.