00:00 19 октября 2012 г.
Виçĕм кун республикăра пĕрлехи информаци кунĕ иртрĕ. Пирĕн района Шупашкартан конкуренци политики тата тарифсем тĕлĕшпе ĕçлекен республикăри патшалăх службин ертÿçи Альбина Егорова ертсе пыракан информаторсен ушкăнĕ килчĕ.
Информаторсем ушкăнсем çине пайланса районти тĕрлĕ ĕç коллективĕсенче пулчĕç. Сăмахран, А.Егоровапа район администрацийĕн пуçлăхĕ Ю.Васильев ача-пăча пултарулăхне аталантаракан Тăвайри центрта, халăхăн социаллă тивĕçтерÿ центрĕнче, вĕрентÿ пайĕн службисенче ĕçлекенсемпе, музыкăпа художество шкулĕсен преподавателĕсемпе тĕл пулса калаçрĕç. “Хыпар” Издательство çурчĕн директорĕ тата тĕп редакторĕ Алексей Леонтьевпа райадминистраци ĕçĕсен управляющийĕ Валерий Чайкин “Ял ĕçченĕ” хаçат редакцийĕн журналисчĕсемпе, унта ĕçлекенсемпе курнăçрĕç. Шалти ĕçсен министерствин представителĕ Игорь Воробьев полици уйрăмĕн сотрудникĕсемпе калаçу ирттерчĕ. Хăнасем кайран пĕрле пухăнса район администрацийĕн пĕчĕк залĕнче информаци кунĕн планне кĕртнĕ пур ыйтăва та райадминистрацире ĕçлекенсемпе пĕрле сÿтсе яврĕç. Тĕл пулăва райадминистраци пуçлăхĕ Ю.Васильев ертсе пычĕ, ун вăхăтĕнче район экономикипе социаллă аталанăвĕн малашлăх ыйтăвĕсене те хускатрĕ.
Пĕрлехи информаци кунĕнче райадминистрацире çавăн пекех граждансене харпăр хăй ыйтăвĕпе йышăнассине йĕркеленĕ.
В.ВАСИЛЬЕВ.