00:00 06 июля 2012 г.
Шупашкарти “Олимпийский” стадионта çăмăл атлетсен Раççей чемпионатне çĕр-шыври 67 регионтан килнĕ 900 яхăн спортсмена, тренерсемпе судьясене, куракансене чемпионата уçнă чухне Чăваш Республикин Министрсен Кабинечĕн Председателĕ Иван Моторин, çăмăл атлетикăн Пĕтĕм Раççей федерацийĕн президенчĕ Валентин Балахничевпа Раççей Олимп комитечĕн генеральнăй секретарĕ Марат Бариев ăшшăн саламланă. Вĕсем спортсменсене чемпион парнисемшĕн тата кăçалхи Олимпиадăна хутшăнма путевкăсем çĕнсе илессишĕн пыракан кĕрешÿре ăнăçу суннă.
В.Балахничевпа республика Пуçлăхĕ Михаил Игнатьев тĕл пулса калаçнă. Михаил Васильевич республикăра пурăнакансен 40 процентĕнчен кая мар кулленхи физкультурăпа спорта явăçтарма тĕллев лартни çинчен пĕлтернĕ. Валентин Балахничев республикăна çăмăл атлетикăна аталантарас ĕçре пулăшса пыма шантарнă.