00:00 15 июня 2012 г.
Ĕнер Шупашкарта Чăваш академи драма театрĕнче республикăри сывлăх хуралĕнче ĕçлекенсен савăнăçлă мероприятийĕ иртнĕ. Унта хутшăннисене республика Пуçлăхĕ Михаил Игнатьев професси уявĕпе саламланă, чи хастаррисене патшалăх наградисене панă. М.Игнатьев хăйĕн сăмахĕнче наци сывлăхне çирĕплетесси, ачалăхпа ача амăшне хÿтĕлесси, çын ĕмĕрне вăрăмлатасси, ачасем ытларах çуратас ыйтусем патшалăх политики пулса тăнине палăртнă. Çемьере 3 ачаран кая мар çуратасси социаллă норма пулса тăмалла, тенĕ республика Пуçлăхĕ.
2011 çултан пуçласа Чăваш Ен сывлăх сыхлавне лайăхлатмалли Программăна пурнăçласа пырать. Çак тĕллевпе сывлăх сыхлавне 4539,4 млн. тенкĕ уйăрма пăхнă.
ЧР Пуçлăхĕн Администрацийĕн пресс-служби.