00:00 22 мая 2012 г.
Район администрацийĕн черетлĕ планеркине администраци пуçлăхĕн çумĕсем, пайсен пуçлăхĕсемпе секторсен заведующийĕсем, полици уйрăмĕн, пушар, медицина, ветеринари, çул-йĕр службисен ертÿçисем, ял тăрăхĕсен пуçлăхĕсем хутшăнчĕç.
Райадминистраци пуçлăхĕ Ю.Васильев иртнĕ эрнери ĕçсене пĕтĕмлетрĕ, çывăх кунсенче пурнăçламалли тĕллевсем çинчен аса илтерчĕ. Умри массăллă мероприятисенчен шкулсенчи юлашки шăнкăрав уявне, районти ĕçпе юрă тата спорт уявне хатĕрленес ĕçсене палăртмалла.
“Акатуй – 2012” уяв июнĕн 10-мĕшĕнче пулать. Ăна хатĕрленсе кашни кунах мĕн те пулин тăваççĕ.
Районти çурхи уй-хир ĕçĕсем вĕçленсе пыраççĕ. Чылайăшĕ акса пĕтернĕ ĕнтĕ. Çавăн пирки АПК тата экологи пайĕн пуçлăхĕ В.Ванерке пĕлтерчĕ.
Ю.Васильев ялсене тирпей-илем кĕртес, çул-йĕрпе кĕперсене юсас ĕçсене куллен тимлĕх уйăрмалли çинчен чарăнса тăчĕ.
О.АНАТОЛЬЕВ.