00:00 24 апреля 2012 г.
Чăваш Ен Пуçлăхĕ М.Игнатьев Раççей Патшалăх Думин депутачĕпе, “Пĕр-лĕхлĕ Раççей” парти фракцийĕн членĕпе А.Аршиновăпа тĕл пулса калаçнă. Алена Игоревнана çĕр-шыв парламенчĕн аялти палатинче Константин Косачевăн депутат полномочийĕсем вăхăтсăрах вĕçленнĕрен мандат панă.
А.Аршинова районсемпе хуласен Пухăвĕсен çамрăк депутачĕсемпе тĕл пулса калаçнă.
Чăваш Ен Пуçлăхĕ, Раççей Патшалăх Думин депутачĕ И.Н.Ульянов ячĕллĕ Чăваш патшалăх университетĕнче Шупашкарти аслă шкулсен студенчĕсемпе тĕл пулчĕç. Çак мероприятире “Wi–Fi эпидеми” федераци проекчĕпе çывăхрах паллаштарнă, вĕренекен çамрăксен Интернетпа тÿлевсĕрех усă курма май пурри тавра калаçнă.
Çамрăк депутатсем А.Аршинован нацилĕхĕпе те кăсăкланнă иккен. “Халĕ чăваш ĕнтĕ эпĕ, республикăра пурăнакансемшĕн ĕçлĕп”, – тенĕ РФ Патшалăх Думин депутачĕ.
“Wi–Fi эпидеми” проект пирки калас тăк, ăна пĕлтĕр нарăс уйăхĕнче ĕçе кĕртме пуçланă. Унăн пуçаруçи – Алена Аршинова, ун чухне вăл “Çамрăк гварди” юхăм лидерĕсенчен пĕри пулнă. Асăннă проект студентсене Интернетпа ирĕклĕн тата тÿлевсĕр усă курма май парать, ахальтен мар ăна çĕр-шыв ертÿçисем те ырланă. А.Аршинова çак проекта пула Раççейри 34 регион (пĕтĕмпе – 200 пин студент) пралуксăр Интернетпа çыхăннине пĕлтернĕ. Чăваш Ен – чи малтисен йышĕнче мĕн. Хальхи вăхăтра республикăри 16 аслă вĕренÿ заведенийĕнче ку проект ăнăçлă пурнăçланать.
А.Аршинова федерацин тепĕр проектне те – студентсем валли çĕнĕ общежитисем тăвасси – куçран вĕçертмест. “Кăçал çĕнĕ общежитисен строительстви валли 8 млрд. тенкĕ уйăрнă, çак укçан пĕр пайĕ Чăваш Ене те çитессе шанас килет”, – тенĕ Раççей Патшалăх Думин чи çамрăк депутачĕ.
М.Игнатьев тата А.Аршинова Чăваш Республикин Пуçлăхĕ çумĕнчи Çамрăксен кадр резервĕн членĕсемпе, çамрăксен “Эпĕ çамрăк” интернет-пĕрлĕхĕпе, “МолГород–2012” форумăн йĕркелÿ комитечĕпе тĕл пулса калаçнă.