00:00 24 января 2012 г.
Район администрацийĕн пуçлăхĕ Ю.Васильев ирттернĕ планеркăна администрацин структура подразделенийĕсен, федераллă тата республикăри ĕç тăвакан влаç органĕсен уйрăмĕсен, районти предприятисемпе организацисен ертÿçисем хутшăннă.
Унта иртнĕ эрнери ĕçсене пĕтĕмлетнĕ тата çĕнĕ задачăсем палăртнă.
Иртнĕ эрнери паллă пулăм – Тăвай районне Чăваш Республикин Пуçлăхĕ М.Игнатьев килсе кайни тата вăл районăн 2011 çулхи социаллă пурнăçпа экономика аталанăвĕн итогĕсене сÿтсе явнă тата вăтам сроклă малашлăх валли задачăсем палăртнă канашлăва хутшăнни. Республика ертÿçи районти тĕп больница çуртне тĕпрен юсама кăçалхи февраль уйăхĕнчех республика бюджетĕнчен 29,1 млн. тенкĕ укçа уйăрса пама йышăннине çирĕплетнĕ.
Хăйсен ĕçĕ енĕпе полици уйрăмĕн начальникĕ В. Обаськин, патшалăх пушар надзор инспекцийĕн начальникĕ А.Шакин, районти тĕп больницăн тĕп врачĕ Н.Бурдасова, федераллă налук тытăмĕн ку тăрăхри ертÿçин çумĕ В.Алексеева, “Коммунальник” ООО ертÿçи Ю.Ефимов, район администрацийĕн пуçлăхĕн çумĕсемпе структура подразделенийĕн ертÿçисем сăмах каланă. Информацисен результачĕсем тăрăх район администрацийĕн пуçлăхĕ 2013 çулта Республика кунне ирттерме ирĕк илессишĕн конкурса хутшăнассипе, “Ачалăх ячĕпе, ачалăхшăн” ыркăмăллăх марафонĕ ирттерессипе, пурнăçри йывăр условисенче пурăнакан ачасене шкулсенче тÿлевсĕр апат çитерессине йĕркелессипе, ялсенчи урамсене вăхăтра юртан тасатса тăрассипе, урамсене çутă парассине йĕркелессипе, централизациленĕ майпа ăшăнакан нумай хваттерлĕ çуртсене ăшăпа режима пăхăнса тивĕçтерессипе, муниципаллă пурлăха приватизацилемелли плана пурнăçлассипе тата февралĕн 12-мĕшĕнче районта Пĕтĕм Раççейри йĕлтĕрçĕсен массăллă ăмăртăвне йĕркелесе ирттерессипе хушусем панă.
Ытти хăш-пĕр ыйтусене те пăхса тухнă.
О.ЛОМОНОСОВ.