00:00 25 ноября 2011 г.
Шкулсемпе ача сачĕсенче ашшĕ-амăшĕсенчен укçа пухни саккунлă-и? Шкулчченхи вĕренÿ учрежденийĕсенче вăй хуракансен шалăвĕ çитес çул мĕн чухлĕ ÿсĕ, асăннă тытăмра паян мĕнле улшăнусем пулса иртеççĕ? Республикăра пурăнакансен çак тата ытти ыйтăвне “Чăваш Ен” ПТРК эфирĕнче республика Президенчĕ хуравлĕ. Михаил Игнатьев ачалăхпа çыхăннă çивĕч ыйтусене патшалăх енчен татса памалли условисем, çитĕнекен ăрăвăн саккунлă прависемпе интересĕсене пурнăçа кĕртме кирлĕ условисем йĕркелесси çинчен каласа парĕ.
Пирĕн ачасем мĕнле çитĕнĕç – Чăваш Ен пуласлăхĕ те çаплах пулĕ. Çак тезис – телекăларăмри калаçу шăнăрĕ.
“Президента ыйту пар” кăларăма “Раççей 1” телеканалăн регион эфирĕнче чÿк уйăхĕн 27-мĕшĕнче 10 сехет те 20 минутра пăхăр. “Раççей 24” телеканалăн регион эфирне программа чÿк уйăхĕн 29-мĕшĕнче 19 сехет те 20 минутра тухать.