00:00 01 сентября 2011 г.
Хаклă шкул ачисемпе студентсем, педагогсем тата вĕренекенсен ашшĕ-амăшĕ! Хисеплĕ ентешсем!
Пĕлÿ кунĕ ячĕпе чун-чĕререн саламлатăп!
Йăлана кĕнĕ тăрăх пуян кĕрекеллĕ кĕркуннен пĕрремĕш кунĕнче эпир çĕнĕ вĕренÿ çулне пуçлатпăр. Шкул шăнкăравĕн янăравлă сасси Чăваш Енри пилĕк çĕр шкулти партăсем хушшине ларакан çĕр çирĕм çичĕ пин те пилĕк çĕр вĕренекене ырă сунса саламлĕ.
Шкула пуçласа каякан ачасене – кăçал вĕсен хисепĕ вун икĕ пин те ултă çĕр пепке – уйрăммăн ырă сунса хăварас тетĕп. Паян эсир аслă пĕлÿ тĕнчине кĕретĕр, хăвăршăн çĕнĕ, шкул пулăмĕсемпе пуян пурнăç тапхăрне пуçлатăр. Шкул çулĕсем сире çĕнĕ пĕлÿ парнелеччĕр тата тĕлĕнмелле тĕпчевсемпе çитĕнÿсем тума хавхалантарччăр!
Юлашки вăхăтра пирĕн республикăра пĕлÿ тытăмĕнче палăрмаллах улшăнусем пулса иртрĕç. Шкултан вĕренсе тухакан çамрăксем иккĕ виççĕмĕш пайĕ хăйсен пĕлĕвне аслă вĕренÿ заведенийĕсенче малалла туптать. Çакă çитĕнекен ăру пурнăç çулĕпе малалла ăнăçлă утассине çирĕплетет.
Паян Чăваш Ен яш-кĕрĕмĕ хăйĕн çинчен экономикăра та, политикăра та, ăслăлăхпа вĕрентÿре те, сывлăх сыхлавĕпе культурăра тата спортра та тивĕçлипе пĕлтерет. Эпир çак кунсенче Китайра иртнĕ Пĕтĕм тĕнчери çуллахи 26-мĕш универсиада паттăрĕсемпе тивĕçлипе мухтанатпăр. Раççейĕн пĕрлештернĕ команди йышĕнчи Чăваш Ен спортсменĕсем çав ăмăртусенче 6 медаль çĕнсе илнĕ.
Çак савăнăçлă уяв кунĕнче педагогсене ăшшăн тав тăватăп. Эсир – çут тĕнчери чи пархатарлă професси çыннисем, чĕресенче ырă çулăм чĕртсе ăс-хакăл парнелетĕр. Эпĕ «Вĕренÿ» наци проекчĕ шайĕнче вĕрентекенсем хушшинче çулсерен иртекен конкурсра пирĕн вун пĕр вĕрентекен çĕнтерни çинчен тулли кăмăлпа аса илтеретĕп.
Хаклă шкул ачисемпе студентсем, педагогсем тата вĕренекенсем, ашшĕ-амăшĕ!
Пĕр-пĕрне ăнланма тата пĕр-пĕрин шухăш-кăмăлне туйма пĕлни питĕ пĕлтерĕшлĕ. Пирĕншĕн нимрен те хаклă тĕнчене – Чăваш Енпе Раççее – шанчăклă упрăр.
Пурсăра та телей, çирĕп сывлăх тата ăнăçусем сунатăп!
Уяв ячĕпе сире!
Чăваш Республикин Президенчĕ М.ИГНАТЬЕВ.
Уважаемые родители, учащиеся и педагоги!
Дорогие земляки!
От всей души поздравляю Вас с Днем знаний и началом учебного года!
1 сентября - это начало нового этапа в плодотворной работе педагогов, постижения учащимися законов науки и общественной жизни, удивительного мира знаний и новых открытий.
Желаю всем, кто в этот день встает на дорогу знаний настойчивости и терпения, а всем педагогам - профессиональных успехов, от которых во многом зависит будущее нашей страны.
Пусть этот день станет для всех педагогов, учащихся и их родителей - Днем больших надежд! И пусть никогда не иссякнет стремление к знаниям, заложенное природой в каждом из нас!
С уважением, генеральный директор ОАО «АККОНД», Депутат Государственного Совета Чувашской Республики В.ИВАНОВ.